អគ្គលេខាធិការដ្ឋាន » នាយកដ្ឋានបច្ចេកវិទ្យាព័ត៌មាន

នាយកដ្ឋានបច្ចេកវិទ្យាព័ត៌មាន បំពេញមុខងារជាសេនាធិការឱ្យអគ្គលេខាធិការដ្ឋាន លើការងារព័ត៌មានវិទ្យា ដោយមានភារកិច្ចដូចតទៅ៖

គ្រប់គ្រងនិងអនុវត្តគម្រោង “ប្រព័ន្ធបច្ចេកវិទ្យាព័ត៌មានសម្រាប់ការគ្រប់គ្រងហិរញ្ញវត្ថុសាធារណៈ (ដែលបាន ប្រសិទ្ធនាមថា ប្រព័ន្ធអេហ្វអឹមអាយអេស)” នៅគ្រប់ដំណាក់កាលដើម្បីធានាសម្រេចឱ្យបាននូវគោលដៅនៃកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈរបស់ក្រសួងសេដ្ឋកិច្ចនិងហិរញ្ញវត្ថុនិងរាជរដ្ឋាភិបាលកម្ពុជា
គ្រប់គ្រង និងថែទាំហេដ្ឋារចនាសម្ព័ន្ធបច្ចេកវិទ្យាព័ត៌មាននិងគមនាគមន៍ក្នុងក្រសួងសេដ្ឋកិច្ចនិងហិរញ្ញវត្ថុ
សហការ សម្របសម្រួល និងផ្ដល់យោបល់ផ្នែកបច្ចេកទេសជូនថ្នាក់ដឹកនាំក្រសួង អគ្គនាយកដ្ឋាន នាយកដ្ឋាន និងអង្គភាពនានានៃក្រសួងសេដ្ឋកិច្ចនិងហិរញ្ញវត្ថុ លើការងារពាក់ព័ន្ធនឹងបច្ចេកវិទ្យាព័ត៌មាននិងគមនាគមន៍ និងការអនុវត្តគោលនយោបាយសេដ្ឋកិច្ចឌីជីថល
រៀបចំ បង្កើត និងពង្រឹងយុទ្ធសាស្ត្រ និងគោលនយោបាយបច្ចេកវិទ្យាព័ត៌មាននិងគមនាគមន៍ ដើម្បីទ្រទ្រង់ដល់ការគ្រប់គ្រងហិរញ្ញវត្ថុសាធារណៈ ការគ្រប់គ្រងវិស័យបច្ចេកវិទ្យាព័ត៌មាននិងគមនាគមន៍ ក្នុងក្រសួងសេដ្ឋកិច្ចនិងហរិញ្ញវត្ថុ និងការអនុវត្តគោលនយោបាយសេដ្ឋកិច្ចឌីជីថល ឱ្យកាន់តែមានប្រសិទ្ធភាព
ផ្ដល់សេវាបច្ចេកវិទ្យាព័ត៌មាននិងគមនាគមន៍នានា រួមមាន ការតភ្ជាប់បណ្តាញកុំព្យូទ័រ បណ្តាញអ៊ីនធឺណិត អ៊ីមែល និងការចែករំលែកឯកសារតាមបណ្ដាញកុំព្យូទ័រ សម្រាប់ក្រសួងសេដ្ឋកិច្ចនិងហិរញ្ញវត្ថុ
គ្រប់គ្រង និងអភិវឌ្ឍគេហទំព័រ បណ្ដាញសារអេឡិចត្រូនិក ប្រព័ន្ធបច្ចេកវិទ្យាព័ត៌មាននិងគមនាគមន៍នានា ក្នុងក្របខណ្ឌក្រសួងសេដ្ឋកិច្ចនិងហិរញ្ញវត្ថុ
ស្រាវជ្រាវ បង្កើត និងអភិវឌ្ឍកម្មវិធីកុំព្យូទ័រថ្មីៗ និងលើកកម្ពស់នវានុវត្តន៍ និងការបង្កើតថ្មីផ្នែកបច្ចេកវិទ្យាព័ត៌មាន ដើម្បីបម្រើនិងសម្រួលដល់កិច្ចដំណើរការនិងការប្រព្រឹត្តទៅរបស់ក្រសួងសេដ្ឋកិច្ចនិងហិរញ្ញវត្ថុ
ចូលរួមចំណែកក្នុងការកសាងសមត្ថភាពផ្នែកបច្ចេកវិទ្យាព័ត៌មាននិងគមនាគមន៍ជូនមន្ត្រី នៃក្រសួងសេដ្ឋកិច្ចនិងហិរញ្ញវត្ថុ រួមទាំងការកសាងសមត្ថភាពលើប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មានពាក់- ព័ន្ធផ្សេងៗទៀតជូនមន្រ្តី នៃក្រសួង-ស្ថាប័ន និងអង្គភាពពាក់ព័ន្ធនៅថ្នាក់ជាតិនិងថ្នាក់ក្រោមជាតិ
គ្រប់គ្រង រៀបចំយុទ្ធសាស្រ្តនិងផ្សព្វផ្សាយសម្រាប់ការផ្លាស់ប្តូរ ដែលពាក់ព័ន្ធនឹងការអនុវត្ត ឬ ប្រើប្រាស់ប្រព័ន្ធបច្ចេកវិទ្យាព័ត៌មាន ទាំងក្នុងក្របខណ្ឌក្រសួងសេដ្ឋកិច្ចនិងហិរញ្ញវត្ថុនិងក្របខណ្ឌការគ្រប់គ្រងហិរញ្ញវត្ថុសាធារណៈនៅតាមក្រសួង-ស្ថាប័ន និងអង្គភាពថ្នាក់ជាតិនិងថ្នាក់ក្រោមជាតិ
ទទួលបន្ទុកជាមជ្ឈមណ្ឌលព័ត៌មាន លើការប្រើប្រាស់បច្ចេកវិទ្យាព័ត៌មាននិងគមនាគមន៍របស់អង្គភាពទាំងអស់ នៃក្រសួងសេដ្ឋកិច្ចនិងហិរញ្ញវត្ថុ
ធ្វើកិច្ចសហប្រតិបត្តិការក្នុងក្របខណ្ឌជាតិ តំបន់ និងអន្តរជាតិលើការងារពាក់ព័ន្ធនឹងការអភិវឌ្ឍវិស័យបច្ចេក- វិទ្យាព័ត៌មាននិងគមនាគមន៍ ជាពិសេសផ្នែកសន្តិសុខព័ត៌មាន សម្រាប់ក្រសួងសេដ្ឋកិច្ចនិងហិរញ្ញវត្ថុ
ចូលរួមត្រួតពិនិត្យ និងផ្តល់ធាតុចូលលើការស្នើសុំថវិកា ដើម្បីអនុវត្តគម្រោងពាក់ព័ន្ធនឹងវិស័យបច្ចេកវិទ្យាព័ត៌មាននិងគមនាគមន៍របស់ក្រសួងសេដ្ឋកិច្ចនិងហិរញ្ញវត្ថុ និងគ្រប់ក្រសួង-ស្ថាប័ន ជូនថ្នាក់ដឹកនាំ
ចូលរួមការងារកែសម្រួលនីតិវិធីអនុវត្តការងារ លើការគ្រប់គ្រង និងអនុវត្តប្រតិបត្តិការហិរញ្ញវត្ថុនិងថវិកា ជាមួយគ្រប់អង្គភាពក្រោមឱវាទក្រសួងសេដ្ឋកិច្ចនិងហិរញ្ញវត្ថុ
ធ្វើសវនកម្មទៅលើប្រសិទ្ធភាពនៃការប្រើប្រាស់ប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាន និងគមនាគមន៍នានាដែលអភិវឌ្ឍ និងរៀបចំដោយនាយកដ្ឋាន
បំពេញការងារ ឬ គម្រោងផ្សេងទៀតតាមការកំណត់របស់អគ្គលេខាធិការដ្ឋាននិងថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុ ក្នុងវិស័យបច្ចេកវិទ្យាព័ត៌មាននិងគមនាគមន៍។

១. ការិយាល័យរដ្ឋបាលនិងធនធាន មានភារកិច្ចដូចតទៅ៖

សម្របសម្រួលការងាររដ្ឋបាលទូទៅរបស់នាយកដ្ឋាន ដូចជា គ្រប់គ្រងលិខិតរដ្ឋបាល ពង្រឹងការអនុវត្តវិន័យ និងបទបញ្ជាផ្ទៃក្នុង
សម្របសម្រួល រៀបចំ និងបូកសរុបផែនការសកម្មភាព ផែនការថវិកា និងផែនការលទ្ធកម្មរបស់នាយកដ្ឋាន ព្រមទាំងគ្រប់គ្រង និងតាមដានការអនុវត្តថវិការបស់នាយកដ្ឋាន
គ្រប់គ្រងបញ្ជីសារពើភ័ណ្ឌរបស់នាយកដ្ឋាន និងគម្រោងនានាដែលដឹកនាំ និងអនុវត្តដោយនាយកដ្ឋានបច្ចេកវិទ្យាព័ត៌មាន រួមទាំងគម្រោងប្រព័ន្ធអេហ្វអឹមអាយអេស
គ្រប់គ្រងមន្ដ្រីរាជការ មន្ដ្រីជាប់កិច្ចសន្យា បុគ្គលិកជាប់កិច្ចសន្យា និងបុគ្គលិកគ្រប់ប្រភេទរបស់នាយកដ្ឋានឱ្យអនុលោមទៅតាមលិខិតបទដ្ឋានគតិយុត្ត និងរៀបចំចាត់ចែងការងារពាក់ព័ន្ធផ្សេងៗទៀត ដូចជា ការចុះបេសកកម្មទាំងក្នុង និងក្រៅប្រទេស ការស្នើសុំដំឡើងថ្នាក់ ឬ ឋានន្តរស័ក្តិ ការគ្រប់គ្រងវត្តមាន ការធ្វើរបាយ-ការណ៍នានា និងការងារពាក់ព័ន្ធទាំងឡាយផ្សេងទៀត
បំពេញភារកិច្ចជាមជ្ឈមណ្ឌលព័ត៌មាន សម្រាប់គម្រោងប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានាដែលអភិវឌ្ឍនិងរៀបចំដោយនាយកដ្ឋាន
បំពេញភារកិច្ចចាំបាច់ផ្សេងទៀតតាមការចាត់តាំងរបស់ប្រធាននាយកដ្ឋាន។

២. ការិយាល័យហេដ្ឋារចនាសម្ព័ន្ធបច្ចេកវិទ្យាព័ត៌មាននិងគមនាគមន៍ មានភារកិច្ចដូចតទៅ៖

គ្រប់គ្រងលើការជួសជុល និងថែទាំហេដ្ឋារចនាសម្ព័ន្ធ បណ្ដាញតភ្ជាប់ និងឧបករណ៍ សម្ភារបច្ចេកវិទ្យាព័ត៌មាននិងគមនាគមន៍នានារបស់ក្រសួងសេដ្ឋកិច្ចនិងហិរញ្ញវត្ថុ រួមទាំង គម្រោងប្រព័ន្ធអេហ្វអឹមអាយអេស
គ្រប់គ្រងមជ្ឈមណ្ឌលទិន្នន័យ និងមជ្ឈមណ្ឌលសង្រ្គោះទិន្នន័យ ដែលជាសមិទ្ធផលបានមកពីគម្រោងដែលដឹកនាំ និងអនុវត្តដោយនាយកដ្ឋាន រួមទាំងគម្រោងប្រព័ន្ធអេហ្វអឹមអាយអេស
គ្រប់គ្រងហេដ្ឋារចនាសម្ព័ន្ធបណ្តាញតភ្ជាប់ បណ្ដាញអ៊ីនត្រាណិត និងម៉ាស៊ីនមេ ដែលជាសមិទ្ធផលបានមកពី គម្រោងនានាដែលដឹកនាំ និងអនុវត្តដោយនាយកដ្ឋានបច្ចេកវិទ្យាព័ត៌មាន រួមទាំងគម្រោងប្រព័ន្ធអេហ្វអឹមអាយអេស
គ្រប់គ្រង និងផ្ដល់សេវាតភ្ជាប់បណ្ដាញអ៊ីនត្រាណិត បណ្ដាញតភ្ជាប់ផ្ទៃក្នុង បណ្ដាញអ៊ីនធឺណិតនិងសេវាផ្សេងៗ ពាក់ព័ន្ធនឹងហេដ្ឋារចនាសម្ព័ន្ធបច្ចេកវិទ្យាព័ត៌មាននិងគមនាគមន៍ រួមមាន ប្រព័ន្ធទំនាក់ទំនងជារូបភាព សម្លេង- សារ និងសារអេឡិចត្រូនិច និងប្រព័ន្ធគ្រប់គ្រងឯកសារ ជាដើម នៅក្នុងក្របខណ្ឌក្រសួងសេដ្ឋកិច្ចនិងហិរញ្ញវត្ថុ និងការដ្ឋានទាំងអស់ នៃគម្រោងប្រព័ន្ធអេហ្វអឹមអាយអេស និងគម្រោងបច្ចេកវិទ្យាព័ត៌មាននិងគមនាគមន៍នានា ដែលអភិវឌ្ឍនិងរៀបចំដោយនាយកដ្ឋាន
ផ្ដល់យោបល់ផ្នែកហេដ្ឋារចនាសម្ព័ន្ធបច្ចេកវិទ្យាព័ត៌មាននិងគមនាគមន៍ ជូនថ្នាក់ដឹកនាំក្រសួង អគ្គនាយកដ្ឋាន នាយកដ្ឋាន និងអង្គភាពនានានៃក្រសួងសេដ្ឋកិច្ចនិងហិរញ្ញវត្ថុ
បំពេញភារកិច្ចចាំបាច់ផ្សេងទៀតតាមការចាត់តាំងរបស់ប្រធាននាយកដ្ឋាន។

៣. ការិយាល័យវិភាគធុរកិច្ចបច្ចេកវិទ្យាព័ត៌មាន មានភារកិច្ចដូចតទៅ៖

សិក្សា រៀបចំ និងចងក្រងឯកសារតម្រូវការបច្ចេកទេស សម្រាប់ផ្ដល់ជាធាតុចូលក្នុងការរៀបចំឯកសារដេញថ្លៃប្រព័ន្ធអេហ្វអឹមអាយអេស នៅពេលដែលមានការពង្រីកវិសាលភាពនៃការអនុវត្តប្រព័ន្ធនេះ និងសម្រាប់ការអភិវឌ្ឍប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
សិក្សា រៀបចំ ចងក្រង និងកែសម្រួលនីតិវិធីអនុវត្តការងារពាក់ព័ន្ធនឹងគម្រោងប្រព័ន្ធអេហ្វអឹមអាយអេស របស់អង្គភាពក្រោមឱវាទក្រសួងសេដ្ឋកិច្ចនិងហិរញ្ញវត្ថុ ក្រសួង-ស្ថាប័ន និងអង្គភាពថ្នាក់ជាតិ និងថ្នាក់ក្រោមជាតិ
សិក្សា រៀបចំ ចងក្រង និងកែសម្រួលនីតិវិធីអនុវត្តការងាររបស់អង្គភាពក្រោមឱវាទក្រសួងសេដ្ឋកិច្ច និងហិរញ្ញវត្ថុ ដើម្បីជាធាតុចូលក្នុងការអភិវឌ្ឍប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍ និងរៀបចំដោយនាយកដ្ឋានឱ្យបានស្របទៅតាមតម្រូវការ នៃការធ្វើទំនើបកម្ម និងស្វ័យប្រវត្តិកម្ម នៃការផ្ដល់សេវាសាធារណៈ ក្នុងក្របខណ្ឌក្រសួងសេដ្ឋកិច្ចនិងហិរញ្ញវត្ថុប្រកបដោយប្រសិទ្ធភាព និងគុណភាព
រៀបចំគោលការណ៍ណែនាំ និងមគ្គុទេ្ទសក៍លើការប្រើប្រាស់ប្រព័ន្ធបច្ចេកវិទ្យាព័ត៌មាននានាដែលអភិវឌ្ឍនិង រៀបចំដោយនាយកដ្ឋាន
រៀបចំនិម្មាបនកម្មគំរូសម្រាប់ប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍ និងរៀបចំដោយនាយកដ្ឋាន
សិក្សា វិភាគ រៀបចំ និងចងក្រងជាឯកសារតម្រូវការរបស់អ្នកប្រើប្រាស់ រួមទាំងតម្រូវការរបាយការណ៍ សម្រាប់ការអភិវឌ្ឍប្រព័ន្ធបច្ចេកវិទ្យាព័ត៌មាននានា ដែលត្រូវអភិវឌ្ឍនិងរៀបចំដោយនាយកដ្ឋាន
គ្រប់គ្រង ត្រួតពិនិត្យ វិភាគ និងតាមដានលើការអនុវត្តប្រតិបត្តិការហិរញ្ញវត្ថុនៅក្នុងប្រព័ន្ធអេហ្វអឹមអាយអេស ជាមួយនឹងការគ្រប់គ្រងទិន្នន័យមេរបស់ប្រព័ន្ធ
រៀបចំ និងចងក្រងឯកសារបណ្ដុះបណ្ដាល និងចូលរួមផ្ដល់ការបណ្ដុះបណ្ដាលលើការប្រើប្រាស់ប្រព័ន្ធបច្ចេក-វិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
គាំទ្រ និងទ្រទ្រង់ដល់អ្នកប្រើប្រាស់ប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
បំពេញភារកិច្ចចាំបាច់ផ្សេងទៀតតាមការចាត់តាំងរបស់ប្រធាននាយកដ្ឋាន។

៤. ការិយាល័យអភិវឌ្ឍន៍និងនវានុវត្ដន៍បច្ចេកវិទ្យាព័ត៌មាន មានភារកិច្ចដូចតទៅ៖

រៀបចំឯកសារលក្ខខណ្ឌបច្ចេកទេសសម្រាប់ការអភិវឌ្ឍ រចនាទម្រង់ និងរំហូរនៃប្រព័ន្ធបច្ចេកវិទ្យាព័ត៌មាន
អភិវឌ្ឍ ធ្វើតេស្ដ និងដំឡើងប្រព័ន្ធបច្ចេកវិទ្យាព័ត៌មានឱ្យដំណើរការ
រៀបចំស្ដង់ដារគំរូបច្ចេកទេសរួម សម្រាប់ការអភិវឌ្ឍប្រព័ន្ធបច្ចេកវិទ្យាព័ត៌មាន ដែលមានភាពបត់បែន អាចដំណើរការ និងផ្លាស់ប្ដូរទិន្នន័យជាមួយប្រព័ន្ធផ្សេងៗពីគ្នា រួមទាំង ការរីកធំឡើង និងតម្រូវការមុខងារបន្ថែមក្នុងប្រព័ន្ធ
ផ្ដួចផ្ដើមក្នុងការវិភាគ ស្រាវជ្រាវ ធ្វើតេស្ត និងផលិតកម្មវិធីបច្ចេកវិទ្យាព័ត៌មានថ្មីៗ ដើម្បីធ្វើទំនើបកម្មវិស័យ បច្ចេកវិទ្យាព័ត៌មាន បម្រើដល់កិច្ចដំណើរការ និងគាំទ្រដល់ចក្ខុវិស័យរបស់ក្រសួងសេដ្ឋកិច្ចនិងហិរញ្ញវត្ថុ
ពង្រឹងសមត្ថភាពលើវិស័យបច្ចេកវិទ្យាព័ត៌មាន និងតាមដានពីដំណើរវិវដ្តជឿនលឿននៃបច្ចេកវិទ្យាព័ត៌មាន ដែលពាក់ព័ន្ធ និងមានប្រយោជន៍សម្រាប់ក្រសួងសេដ្ឋកិច្ចនិងហិរញ្ញវត្ថុ
គ្រប់គ្រង ត្រួតពិនិត្យ និងថែទាំកម្មវិធីមេ ដែលគាំទ្រដល់កិច្ចដំណើរការនៃប្រព័ន្ធបច្ចេកវិទ្យាព័ត៌មាន ដែលបានបង្កើតថ្មី ឬ នវានុវត្ត
គ្រប់គ្រង ត្រួតពិនិត្យ និងធានាដល់ដំណើរការជាប្រក្រតីរបស់ប្រព័ន្ធទិន្នន័យមូលដ្ឋានរបស់ប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍ និងរៀបចំដោយនាយកដ្ឋាន
ផ្ដល់ប្រឹក្សា និងពិគ្រោះយោបល់រកដំណោះស្រាយ សម្រាប់ការធ្វើទំនើបកម្មបច្ចេកវិទ្យាព័ត៌មាននានា ក្នុង ក្របខណ្ឌក្រសួងសេដ្ឋកិច្ចនិងហិរញ្ញវត្ថុ
ចូលរួមសម្របសម្រួល តាមដាននិងវាយតម្លៃ លើការអភិវឌ្ឍប្រព័ន្ធបច្ចេកវិទ្យាព័ត៌មានសម្រាប់ក្រសួងសេដ្ឋកិច្ច និងហិរញ្ញវត្ថុ ដែលអភិវឌ្ឍនិងរៀបចំដោយភាគីខាងក្រៅ
បំពេញភារកិច្ចចាំបាច់ផ្សេងទៀតតាមការចាត់តាំងរបស់ប្រធាននាយកដ្ឋាន។

៥. ការិយាល័យគ្រប់គ្រងការផ្លាស់ប្តូរ មានភារកិច្ចដូចតទៅ៖

រៀបចំ អភិវឌ្ឍ និងអនុវត្តផែនការយុទ្ធសាស្រ្តស្តីពីការគ្រប់គ្រងការផ្លាស់ប្តូរ ផ្សព្វផ្សាយ និងកសាងសមត្ថភាព ក្នុងក្របខណ្ឌគម្រោងប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
រៀបចំយន្តការសម្របសម្រួលជាមួយក្រសួង-ស្ថាប័ន គ្រប់អ្នកពាក់ព័ន្ធ និងដៃគូអភិវឌ្ឍន៍ ក្នុងការរៀបចំនិងអនុវត្តយុទ្ធសាស្រ្ត និងផែនការសកម្មភាពការគ្រប់គ្រងការផ្លាស់ប្តូរ ក្នុងក្របខណ្ឌគម្រោងប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
ជំរុញការប្រើប្រាស់ប្រព័ន្ធបច្ចេកវិទ្យាព័ត៌មាន ក្នុងក្របខណ្ឌគម្រោងប្រព័ន្ធអេហ្វអឹមអាយអេស និងប្រព័ន្ធ បច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
សិក្សា និងវាយតម្លៃផលប៉ះពាល់ដែលអាចកើតមានពីការផ្លាស់ប្តូរលើរចនាសម្ព័ន្ធ តួនាទីមុខងារ នីតិវិធីអនុវត្ត ការងារ និងធនធានមនុស្ស ក្នុងក្របខណ្ឌគម្រោងប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
រៀបចំ និងអនុវត្តផែនការប្រាស្រ័យទាក់ទង និងផ្សព្វផ្សាយ ដើម្បីគាំទ្រដល់ដំណើរការផ្លាស់ប្តូរ ក្នុងក្របខណ្ឌគម្រោងប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយ នាយកដ្ឋាន
គាំទ្រ និងជំរុញដល់ការបង្កើនចំណេះដឹងនិងសមត្ថភាពក្នុងការប្រើប្រាស់ប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន រួមទាំងបច្ចេកវិទ្យាព័ត៌មាននិងគមនាគមន៍ផ្សេងៗ
សហការគ្រប់គ្រង និងរៀបចំការបណ្តុះបណ្តាលលើការប្រើប្រាស់ប្រព័ន្ធអេហ្វអឹមអាយអេស និងបច្ចេកវិទ្យាព័ត៌មាននិងគមនាគមន៍នានា ដែលអភិវឌ្ឍនិងរៀបចំដោយនាយកដ្ឋានជូនមន្ត្រី នៃក្រសួងសេដ្ឋកិច្ចនិង ហិរញ្ញវត្ថុ ក្រសួង-ស្ថាប័ន និងអង្គភាពថ្នាក់ជាតិនិងថ្នាក់ក្រោមជាតិ
ប្រមូល និងចងក្រងឯកសារនានាពាក់ព័ន្ធនឹងការបណ្តុះបណ្តាល និងកសាងសមត្ថភាពផ្នែកបច្ចេកវិទ្យាព័ត៌មាននិងគមនាគន៍ និងរៀបចំជាបណ្ណាល័យអេឡិចត្រូនិក ដើម្បីផ្សព្វផ្សាយចំណេះដឹង និងចំណេះធ្វើដល់មន្ត្រី នៃក្រសួងសេដ្ឋកិច្ចនិងហិរញ្ញវត្ថុនិងសាធារណជន
សហការជាមួយក្រុមហ៊ុនផ្គត់ផ្គង់ប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានាក្នុងការរៀបចំវគ្គបណ្តុះបណ្តាលនានា និងការអនុវត្តយុទ្ធសាស្រ្តទប់ទល់នឹងហានិភ័យ និងផលប៉ះពាល់ពីអន្តរកម្ម នៃការអនុវត្តប្រព័ន្ធចាស់និងប្រព័ន្ធថ្មី
សហការជាមួយនឹងវិទ្យាស្ថានសេដ្ឋកិច្ចនិងហិរញ្ញវត្ថុ និងស្ថាប័នដៃគូនានា ក្នុងការស្វះស្វែងរកអាហារូបករណ៍នានា ដើម្បីពង្រឹងសមត្ថភាពផ្នែកបច្ចេកវិទ្យាព័ត៌មាននិងគមនាគមន៍ទាំងក្នុង និងក្រៅប្រទេស ជូនដល់មន្រ្តីរាជការ នៃក្រសួងសេដ្ឋកិច្ចនិងហិរញ្ញវត្ថុ
បំពេញភារកិច្ចចាំបាច់ផ្សេងទៀតតាមការចាត់តាំងរបស់ប្រធាននាយកដ្ឋាន។

៦. ការិយាល័យគ្រប់គ្រងគុណភាព មានភារកិច្ចដូចតទៅ៖

ស្រាវជ្រាវ រៀបចំ និងផ្សព្វផ្សាយគោលនយោបាយ គោលការណ៍ណែនាំ និងនីតិវិធីផ្សេងៗពាក់ព័ន្ធនឹងការគ្រប់គ្រងគុណភាពក្នុងក្របខណ្ឌគម្រោងប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានាដែលអភិវឌ្ឍនិងរៀបចំដោយនាយកដ្ឋាន
គ្រប់គ្រង ត្រួតពិនិត្យ និងពង្រឹងគុណភាពលើការកសាង និងអភិវឌ្ឍហេដ្ឋារចនាសម្ព័ន្ធ គេហទំព័រ កម្មវិធី និងប្រព័ន្ធបច្ចេកវិទ្យាព័ត៌មាន និងការអនុវត្តនីតិវិធីការងារនៅក្នុងក្របខណ្ឌគម្រោងប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននានាដែលអភិវឌ្ឍនិងរៀបចំដោយនាយកដ្ឋាន ព្រមទាំងវាយតម្លៃជាប្រចាំអំពីប្រសិទ្ធភាព និងអនុលោមភាពតាមបទដ្ឋាន និងនីតិវិធីដែលបានកំណត់
រៀបចំផែនការ វិធីសាស្ត្រ នីតិវិធី និងធ្វើតេស្តសាកល្បងលើហេដ្ឋារចនាសម្ព័ន្ធ គេហទំព័រ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន ដើម្បីពង្រឹងនិងធានាបានគុណភាពតាមស្ដង់ដារឧត្តមានុវត្តន៍និងស្របតាមបទដ្ឋានដែលបានកំណត់
រៀបចំផែនការ នីតិវិធី និងអនុវត្តការគ្រប់គ្រងហានិភ័យបច្ចេកវិទ្យាព័ត៌មានជាប្រចាំ និងផ្តល់សេវាគាំទ្រ និងធានាគុណភាពលើហេដ្ឋារចនាសម្ព័ន្ធ គេហទំព័រ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋានក្នុងការកាត់បន្ថយហានិភ័យនានា ដែលអាចកើតមានឡើងក្នុងដំណាក់កាល នៃការរៀបចំ និងការដំឡើង ការកសាងនិងអភិវឌ្ឍ និងការដាក់ឱ្យដំណើរការនៅគ្រប់ដំណាក់កាល
គ្រប់គ្រង តាមដាន និងត្រួតពិនិត្យលើគុណភាព នៃការផ្ដល់សេវាជាប្រចាំផ្នែកហេដ្ឋារចនាសម្ព័ន្ធ គេហទំព័រ កម្មវិធី និងប្រព័ន្ធដែលអភិវឌ្ឍនិងរៀបចំដោយនាយកដ្ឋាន
ស្រាវជ្រាវ វិភាគ និងចូលរួមស្វែងរកឱ្យឃើញពីមូលហេតុ និងប្រភពនៃបញ្ហាសុវត្ថិភាពព័ត៌មាន ដែលកើតមានឡើងជាយថាហេតុនានាលើហេដ្ឋារចនាសម្ព័ន្ធ គេហទំព័រ កម្មវិធី និងប្រព័ន្ធបច្ចេកវិទ្យាព័ត៌មាននានាដែលអភិវឌ្ឍនិងរៀបចំដោយនាយកដ្ឋាន ដើម្បីធានាគុណភាពផ្នែកសុវត្ថិភាពហេដ្ឋារចនាសម្ព័ន្ធ គេហទំព័រ កម្មវិធី និងប្រព័ន្ធបច្ចេកវិទ្យាព័ត៌មានទាំងនេះ ជាមួយនឹងការចងក្រងទុកជាឯកសារ និងដំណោះស្រាយសម្រាប់ពេលអនាគត
ចូលរួមក្នុងការរៀបចំផែនការគ្រប់គ្រង និងតេស្តសាកល្បងប្រព័ន្ធសុវត្ថិភាពរបស់ហេដ្ឋារចនាសម្ព័ន្ធ កម្មវិធី និងប្រព័ន្ធបច្ចេកវិទ្យាព័ត៌មាន ដើម្បីធានាគុណភាព ដល់យន្តការទប់ស្កាត់ការលេចធ្លាយជាយថាហេតុនូវព័ត៌មាន និងការវាយប្រហារនានាពីខាងក្នុងនិងខាងក្រៅ
សម្របសម្រួលកិច្ចសហប្រតិបត្តិការជាមួយបណ្តាអង្គភាព ឬ ស្ថាប័នជាតិនិងអន្តរជាតិ ក្នុងការទប់ស្កាត់រាល់បាតុភាពអវិជ្ជមានទាំងឡាយនៅក្នុងវិស័យបច្ចេកវិទ្យាព័ត៌មាននិងគមនាគមន៍ ដើម្បីធានាគុណភាពតាមបែបស្ដង់ដារឧត្តមានុវត្តន៍ នៃបរិស្ថានបច្ចេកវិទ្យាព័ត៌មាន និងថ្នាលឌីជីថល សម្រាប់ការបង្កើនប្រសិទ្ធភាព និងគុណភាព នៃការផ្ដល់សេវាសាធារណៈសម្រាប់ក្រសួងសេដ្ឋកិច្ចនិងហិរញ្ញវត្ថុ
តាមដាន ត្រួតពិនិត្យ វាយតម្លៃលើការអនុវត្តការផ្លាស់ប្តូរផ្សេងៗលើការប្រើប្រាស់ហេដ្ឋារចនាសម្ព័ន្ធ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន ដើម្បីធានាឱ្យបានការចូលរួម និងការទទួលបាននូវការប្រើប្រាស់សេវាផ្នែកបច្ចេកវិទ្យាព័ត៌មាននិងគមនាគមន៍ ដល់គ្រប់អ្នកពាក់ព័ន្ធប្រកបដោយបរិយាប័ន្ននិងការគាំទ្រពីមតិភាគច្រើន
រៀបចំយន្តការនិងអនុវត្តការធ្វើសវនកម្មទៅលើប្រសិទ្ធភាពនៃការប្រើប្រាស់ប្រព័ន្ធអេហ្វអឹមអាយអេស និងប្រព័ន្ធបច្ចេកវិទ្យាព័ត៌មាននិងគមនាគមន៍នានា ដែលអភិវឌ្ឍនិងរៀបចំដោយនាយកដ្ឋានទៅលើគ្រប់ការដ្ឋាន
បំពេញភារកិច្ចចាំបាច់ផ្សេងទៀតតាមការចាត់តាំងរបស់ប្រធាននាយកដ្ឋាន។

៧. ការិយាល័យគោលនយោបាយនិងគាំទ្រគម្រោង មានភារកិច្ចដូចតទៅ៖

ស្រាវជ្រាវ រៀបចំ និងអភិវឌ្ឍផែនការយុទ្ធសាស្ត្រនិងគោលនយោបាយ សម្រាប់គាំទ្រចីរភាពនៃការអនុវត្ត ផ្នែកបច្ចេកវិទ្យាព័ត៌មាននិងគមនាគមន៍និងគោលនយោបាយសេដ្ឋកិច្ចឌីជីថលក្នុងក្របខណ្ឌក្រសួងសេដ្ឋកិច្ចនិងហិរញ្ញវត្ថុ ស្របតាមគោលនយោបាយអភិវឌ្ឍន៍វិស័យបច្ចេកវិទ្យាព័ត៌មាននិងគមនាគមន៍នានារបស់រាជ- រដ្ឋាភិបាល
សិក្សា វិភាគ និងវាយតម្លៃលើការវិវដ្ត និងផលប៉ះពាល់នៃសមាហរណកម្មបច្ចេកវិទ្យាព័ត៌មាននិងគមនាគមន៍ និងការអនុវត្តគោលនយោបាយសេដ្ឋកិច្ចឌីជីថលក្នុងក្របខណ្ឌក្រសួងសេដ្ឋកិច្ចនិងហិរញ្ញវត្ថុ ដើម្បីផ្ដល់ជាធាតុចូលសម្រាប់ការសម្រេចចិត្តរបស់ថ្នាក់ដឹកនាំក្រសួងសេដ្ឋកិច្ចនិងហិរញ្ញវត្ថុ
រៀបចំយន្តការក្នុងការគ្រប់គ្រង និងអភិវឌ្ឍហេដ្ឋារចនាសម្ព័ន្ធ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍ និងរៀបចំដោយនាយកដ្ឋាន ហើយយន្តការទាំងនេះមានគ្របដណ្ដប់ទាំងផ្នែកអភិបាលកិច្ច កិច្ចសហប្រតិបត្តិការ ឯកសារជាផែនការយុទ្ធសាស្ត្រ និងគតិយុត្តពាក់ព័ន្ធ ធនធានសម្ភារ ធនធានមនុស្ស និង ធនធានហិរញ្ញវត្ថុ
រៀបចំយន្តការ និងការលើកទឹកចិត្តនានា ដើម្បីជំរុញដល់ការដាក់ឱ្យប្រើប្រាស់ហេដ្ឋារចនាសម្ព័ន្ធ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋានជាមួយនឹងការបង្កើតថ្មី និងធ្វើនវា-នុវត្តន៍នានានៅក្នុងនាយកដ្ឋាននិងក្រសួងសេដ្ឋកិច្ចនិងហិរញ្ញវត្ថុ
ចូលរួមពិនិត្យនិងផ្តល់យោបល់ការរៀបចំនិងតាក់តែងសេចក្តីព្រាងច្បាប់ លិខិតបទដ្ឋានគតិយុត្តនិងឯកសារផែនការ ឬ យុទ្ធសាស្ត្រពាក់ព័ន្ធនឹងវិស័យបច្ចេកវិទ្យាព័ត៌មាន និងឌីជីថលូបនីយកម្ម
កសាងផែនការមេ និងផែនការសកម្មភាពរបស់គម្រោង និងគ្រប់គ្រងវឌ្ឍនភាពនៃការអនុវត្តគម្រោង ហេដ្ឋា-រចនាសម្ព័ន្ធ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
រៀបចំសំណើគម្រោងថវិកា និងផែនការថវិកាសម្រាប់គាំទ្រការអនុវត្ត និងត្រួតពិនិត្យតាមដានថវិកាគម្រោងហេដ្ឋារចនាសម្ព័ន្ធ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
ផ្តល់ធាតុចូលលើការដេញថ្លៃ និងអនុវត្តផែនការកិច្ចលទ្ធកម្ម សម្រេចបានជាសារវន្តនៃការអនុវត្តគម្រោងហេដ្ឋារចនាសម្ព័ន្ធ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
ផ្ដល់ជាសកម្មភាពគាំទ្រចាំបាច់នានា ដើម្បីធានាបាននូវប្រសិទ្ធភាពនៃការអនុវត្ត និងគ្រប់គ្រងគម្រោងហេដ្ឋារចនាសម្ព័ន្ធ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
ធ្វើបច្ចុប្បន្នភាពស្ថិតិពាក់ព័ន្ធនឹងការប្រើប្រាស់បច្ចេកវិទ្យាព័ត៌មាននិងគមនាគមន៍ ក្នុងក្របខណ្ឌក្រសួងសេដ្ឋ-កិច្ចនិងហិរញ្ញវត្ថុ
បំពេញភារកិច្ចចាំបាច់ផ្សេងទៀតតាមការចាត់តាំងរបស់ប្រធាននាយកដ្ឋាន។

៨. ការិយាល័យសុវត្ថិភាពបច្ចេកវិទ្យាព័ត៌មាននិងគមនាគមន៍ មានភារកិច្ចដូចតទៅ៖

ជាសេនាធិការ ផ្ដល់ប្រឹក្សា និង ពិគ្រោះយោបល់រកដំណោះស្រាយសម្រាប់ក្រសួងសេដ្ឋកិច្ចនិងហិរញ្ញវត្ថុ លើផ្នែកសុវត្ថិភាព បច្ចេកវិទ្យាព័ត៌មាននិងគមនាគមន៍
គ្រប់គ្រង ត្រួតពិនិត្យ និងតាមដានជាប្រចាំលើកត្តាសុវត្ថិភាពបច្ចេកវិទ្យាព័ត៌មាននិងគមនាគមន៍ នៃហេដ្ឋា-រចនាសម្ព័ន្ធ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍ និងរៀបចំដោយនាយកដ្ឋាន ដើម្បីបម្រើដល់ការបំពេញតួនាទី និងភារកិច្ច នៃការផ្ដល់សេវាសាធារណៈរបស់ក្រសួងសេដ្ឋកិច្ចនិងហិរញ្ញវត្ថុ
គ្រប់គ្រង ត្រួតពិនិត្យ ការពារ ពង្រឹងបន្ថែម លុបបំបាត់ ផ្ដល់គោលការណ៍ណែនាំ និងផ្សព្វផ្សាយពីហានិភ័យផ្សេងៗជាប្រចាំលើហេដ្ឋារចនាសម្ព័ន្ធ គេហទំព័រ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
ពង្រឹងការរក្សាភាពសម្ងាត់ ភាពត្រឹមត្រូវ និងការទទួលបាននៃទិន្នន័យ ដល់អ្នកមានសិទ្ធិក្នុងការប្រើប្រាស់ហេដ្ឋារចនាសម្ព័ន្ធ គេហទំព័រ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
តាមដាន ស្រាវជ្រាវ និងស្វែងរកប្រភព និងធ្វើការទប់ស្កាត់ការវាយប្រហារតាមរយៈបច្ចេកវិទ្យាព័ត៌មានមកលើហេដ្ឋារចនាសម្ព័ន្ធ គេហទំព័រ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន និងដោយឡែកផ្ដល់ការសហការចូលរួមចំពោះការងារទាំងនេះសម្រាប់ហេដ្ឋារចនាសម្ព័ន្ធ គេហ- ទំព័រ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍក្នុងក្របខណ្ឌក្រសួងសេដ្ឋកិច្ចនិងហិរញ្ញវត្ថុ តាមការណែនាំរបស់ថ្នាក់ដឹកនាំក្រសួង
រៀបចំផែនការទប់ទល់ ករណីមានហានិភ័យណាមួយកើតឡើងដោយចៃដន្យ និងផែនការនៃការរក្សាទុក និងការសង្គ្រោះទិន្នន័យនៃគេហទំព័រ កម្មវិធី និងប្រព័ន្ធបច្ចេកវិទ្យាព័ត៌មាននានា ដែលអភិវឌ្ឍនិងរៀបចំដោយនាយកដ្ឋាន
រៀបចំផែនការគ្រប់គ្រង និងធ្វើតេស្តសាកល្បងប្រព័ន្ធសុវត្ថិភាពរបស់ហេដ្ឋារចនាសម្ព័ន្ធ គេហទំព័រ កម្មវិធី និង ប្រព័ន្ធបច្ចេកវិទ្យាព័ត៌មាន ដែលអភិវឌ្ឍនិងរៀបចំដោយនាយកដ្ឋាន ដើម្បីទប់ស្កាត់ការលេចធ្លាយជាយថាហេតុ នូវព័ត៌មាន និងការវាយប្រហារនានាពីខាងក្នុងនិងក្រៅ
សហការជាមួយអ្នកពាក់ព័ន្ធនានាក្នុងការផ្សព្វផ្សាយ និងបញ្ជ្រាបការយល់ដឹងពីសុវត្ថិភាព ការការពារ និងហានិភ័យលើការប្រើប្រាស់បច្ចេកវិទ្យាព័ត៌មានដល់មន្ត្រីរាជការ នៃក្រសួងសេដ្ឋកិច្ចនិងហិរញ្ញវត្ថុ
ចូលរួមក្នុងការបណ្ដុះបណ្ដាលនិងកម្មវិធីផ្សព្វផ្សាយនានាទាំងថ្នាក់ជាតិ និងអន្តរជាតិពាក់ព័ន្ធនឹងផ្នែកសុវត្ថិភាព បច្ចេកវិទ្យាព័ត៌មាននិងគមនាគមន៍
ចូលរួមសហការក្នុងកម្រិតថ្នាក់ជាតិ និងអន្តរជាតិតាមការផ្ដល់ភារកិច្ច ឬ ការណែនាំរបស់ថ្នាក់ដឹកនាំលើការផ្ដល់យោបល់ ឬ សកម្មភាពជាក់ស្ដែងលើការធានាសុវត្ថិភាពនិងការទប់ស្កាត់ការវាយប្រហារតាមបច្ចេកវិទ្យាព័ត៌មានជាយថាហេតុនានា
បំពេញភារកិច្ចចាំបាច់ផ្សេងទៀតតាមការចាត់តាំងរបស់ប្រធាននាយកដ្ឋាន។

នាយកដ្ឋានបច្ចេកវិទ្យាព័ត៌មាន

រចនាសម្ព័ន្ធរដ្ឋបាល

ព័ត៌មានថ្មីៗ