វិបស្សនានេះត្រូវបានរៀបចំឡើងដើម្បីពិភាក្សាលើប្រធានបទពាក់ព័ន្ធនឹងការវាយតម្លៃលើការអនុវត្តការគ្រប់គ្រងចំណាយថវិកាជាតិ និងសំណើវិធានការកែលម្អ ដើម្បីធានាប្រសិទ្ធភាព ស័ក្ដិសិទ្ធភាព តម្លាភាព គណនេយ្យភាព និងចីរភាពថវិកា ដែលចែកចេញជា ២ របៀបវារៈគឺ ១.ការគ្រប់គ្រង និងអនុវត្តចំណាយថវិការដ្ឋបាលថ្នាក់ជាតិ ដោយមានការធ្វើបទបង្ហាញដោយតំណាងអគ្គនាយកដ្ឋានថវិកា និងអគ្គនាយកដ្ឋានលទ្ធកម្មសាធារណៈ និង ២.ការគ្រប់គ្រង និងអនុវត្តចំណាយថវិការដ្ឋបាលថ្នាក់ក្រោមជាតិ ដោយមានការធ្វើបទបង្ហាញដោយតំណាងអគ្គនាយកដ្ឋានហិរញ្ញវត្ថុរដ្ឋបាលថ្នាក់ក្រោមជាតិ និងអគ្គនាយកដ្ឋានលទ្ធកម្មសាធារណៈ។