នៅរសៀលថ្ងៃទី០៧ ខែកុម្ភៈ ឆ្នាំ២០១៧ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមអគ្គលេខាធិការ នៃអគ្គលេខាធិការដ្ឋាន ក្រសួងសេដ្ឋកិច្ចនិងហិរញ្ញវត្ថុ បានដឹកនាំកិច្ចប្រជុំក្រុមការងាររៀបចំប្រព័ន្ធសុវត្ថិភាព និងការគ្រប់គ្រងមន្ត្រីរាជការ នៃក្រសួងសេដ្ឋកិច្ចនិងហិរញ្ញវត្ថុ ក្នុងគោលបំណងពិនិត្យពិភាក្សាលើនីតិវិធីនៃការបង្កើត និងដាក់ឱ្យដំណើរការ Smart Office ដោយគ្រោងនឹងបង្កើតច្រកទ្វារ សម្រាប់គ្រប់គ្រងវត្តមានមន្ត្រីរាជការ នៅរាល់ពេលចេញ ចូលទីស្តីការក្រសួង ក៏ដូចជាធានាដល់សន្តិសុខ សណ្តាប់ធ្នាប់ និងសុវត្ថិភាព ជូនមន្ត្រីរាជការ នៃក្រសួងសេដ្ឋកិច្ចនិងហិរញ្ញវត្ថុផងដែរ។