នារសៀលថ្ងៃទី២៩ ខែកញ្ញា ឆ្នាំ២០២០ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមការងារសម្រាប់កិច្ចប្រជុំ “ច្រកចេញចូលតែមួយ” បានទទួលជួបពិភាក្សាការងារជាមួយសមាគមពាណិជ្ជកម្មកម្ពុជា-ជប៉ុន (JBAC) ដែលដឹកនាំដោយលោក Takayuki Kondo ជាប្រធានគណៈកម្មាធិការវិនិយោគប្រចាំសមាគមពាណិជ្ជកម្មកម្ពុជា-ជប៉ុន ។

ជំនួបនេះធ្វើឡើងក្នុងគោលបំណងស្វែងយល់ពីបញ្ហាប្រឈមនានា ក៏ដូចជាសំណូមពររបស់សមាគម ពាក់ព័ន្ធនឹងការនាំចូលរថយន្តថ្មីមកលក់លើទីផ្សារកម្ពុជា ជាពិសេសបញ្ហានាំចូលស្របគ្នា (Parallel importation) ដែលក្រុមហ៊ុនទទួលបានសិទ្ធិផ្តាច់មុខលើម៉ាករថយន្ត (Authorized dealer) និង ក្រុមហ៊ុន ឬ អ្នកនាំចូលពុំទទួលបានសិទ្ធិផ្តាច់មុខលើម៉ាករថយន្ត (Non-authorized dealers) បាននិងកំពុងនាំចូលរថយន្តថ្មីៗ មកលក់លើទីផ្សារកម្ពុជាដូចគ្នា ។