នារសៀលថ្ងៃទី១៦ ខែកក្កដា ឆ្នាំ២០២០ នៅទីស្តីការក្រសួងសេដ្ឋកិច្ចនិងហិរញ្ញវត្ថុ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមការងារសម្រាប់កិច្ចប្រជុំ “ច្រកចេញចូលតែមួយ” បានដឹកនាំសម្របសម្រួលកិច្ចប្រជុំពិភាក្សាលើការសិក្សាអំពីលទ្ធភាពប្រើប្រាស់រថយន្តផលិតថ្មី និងទំនេញផ្សេងៗទៀតដែលផលិត និងដំឡើងក្នុងស្រុក។ កិច្ចប្រជុំនេះមានការអញ្ជើញចូលរួមពីឯកឧត្តមអនុរដ្ឋលេខាធិការ ,ថ្នាក់ដឹកនាំតំណាងអង្គភាពពាក់ព័ន្ធក្រោមឱវាទក្រសួង និងតំណាងក្រុមហ៊ុនឯកជន ដែលកំពុងដំឡើងរថយន្តថ្មីក្នុងស្រុក។គោលបំណងនៃការសិក្សានេះ គឺដើម្បីពិនិត្យលទ្ធភាពលើកស្ទួយការប្រើប្រាស់រថយន្តថ្មី និងទំនិញផ្សេងទៀត ដែលផលិត និងដំឡើងក្នុងស្រុក ។