នាព្រឹកថ្ងៃទី ៥ ខែ មីនា ឆ្នាំ ២០២០ នៅទីស្តីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និង ជាប្រធានក្រុមការងារគ្រប់គ្រងគម្រោងប្រព័ន្ធបច្ចេកវិទ្យាព័ត៌មាន​សម្រាប់ការគ្រប់គ្រងហិរញ្ញវត្ថុសាធារណៈ (FMIS) បានដឹកនាំប្រជុំពិភាក្សាពីវឌ្ឍនភាពការងារសម្រាប់ឆ្នាំ២០១៩ និង ការងារបន្តសម្រាប់ឆ្នាំ២០២០ ក្នុងក្របខណ្ឌនៃការអនុវត្តគម្រោង FMIS ដោយមានការចូលរួមពីថ្នាក់ដឹកនាំនិងមន្ត្រីបច្ចេកទេសមកពីអង្គភាពពាក់ព័ន្ធដែលជាសមាជិកនៃក្រុមការងារ ។ ជាលទ្ធផល ក្រុមការងារទទួលបានធាតុចូល និងបទពិសោធន៍សំខាន់ៗសម្រាប់ជាមូលដ្ឋានក្នុងការរៀបចំផែនការការងារសម្រាប់ឆ្នាំ២០២០ និង ជំហានទី៣ ។