នាព្រឹកថ្ងៃទី៩ ខែមិថុនា ឆ្នាំ២០២២ នៅទីស្ដីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមអគ្គលេខាធិការ នៃអគ្គលេខាធិការដ្ឋានក្រសួងសេដ្ឋកិច្ចនិងហិរញ្ញវត្ថុ បានដឹកនាំសម្របសម្រួលកិច្ចប្រជុំពិនិត្យពិភាក្សាស្ដីពីការកែសម្រួលប្រកាសស្ដីពីការបង្កើតគណៈកម្មការវាយតម្លៃលក្ខណសម្បត្តិ និងផ្ដល់គ្រឿងឥស្សរិយយស និងប័ណ្ណសរសើរ និងការធ្វើបច្ចុប្បន្នភាពសមាសភាពគណៈកម្មការវាយតម្លៃលក្ខណសម្បត្តិ និងផ្ដល់គ្រឿងឥស្សរិយយស និងប័ណ្ណសរសើរ នៃក្រសួងសេដ្ឋកិច្ចនិងហិរញ្ញវត្ថុ ដោយមានការអញ្ជើញចូលរួមពីលោកប្រធាននាយកដ្ឋានបុគ្គលិក ព្រមទាំងថ្នាក់ថ្នាក់ដឹកនាំ និងមន្ត្រីជំនាញពាក់ព័ន្ធមួយចំនួនទៀត នៃនាយកដ្ឋានបុគ្គលិក នៃអគ្គលេខាធិការដ្ឋានក្រសួងសេដ្ឋកិច្ចនិងហិរញ្ញវត្ថុ។