នារសៀលថ្ងៃទី៧ ខែឧសភា ឆ្នាំ២០២០ នៅទីស្ដីការក្រសួងសេដ្ឋកិច្ចនិងហិរញ្ញវត្ថុ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានគណៈកម្មការដោះស្រាយសំណងផលប៉ះពាល់ដីបង្កកសម្រាប់បម្រុងទុកសាងសង់អគារទីស្នាក់ការ និងហេដ្ឋារចនាសម្ព័ន្ធច្រកទ្វារព្រំដែនអន្តរជាតិជ្រៃធំ បានដឹកនាំកិច្ចប្រជុំត្រួតពិនិត្យវឌ្ឍនភាពការងារសម្រាប់គម្រោងសាងសង់អគារទីស្នាក់ការ និងហេដ្ឋារចនាសម្ព័ន្ធច្រកទ្វារព្រំដែនអន្តរជាតិជ្រៃធំ ដោយមានសមាសភាពអញ្ជើញចូលរួមពីឯកឧត្តមអនុប្រធានប្រចាំការ, ឯកឧត្តមអនុប្រធាន និងឯកឧត្តម លោក លោកស្រីសមាជិក សមាជិកាគណៈកម្មការ។
កិច្ចប្រជុំនេះរៀបចំឡើងក្នុងគោលបំណង ដើម្បីធ្វើការពិនិត្យលើវឌ្ឍនភាពនៃការអនុវត្តគម្រោងសាងសង់ ព្រមទាំងពិនិត្យដោះស្រាយលើកិច្ចការមួយចំនួនដែលទទួលរងផលប៉ះពាល់ដោយការសាងសង់អគារទីស្នាក់ការ និងហេដ្ឋារចនាសម្ព័ន្ធច្រកទ្វារព្រំដែនអន្តរជាតិជ្រៃធំ។