នាថ្ងៃទី ០៦ ខែ មករា ឆ្នាំ ២០១៨ នៅសាលាឃុំព្រែកតាមាក់, អគ្គលេខាធិការ នៃអគ្គលេខាធិការដ្ឋាន និងជាប្រធានក្រុមការងារថ្នាក់ជាតិចុះជួយឃុំព្រែកតាមាក់បាននាំយកនូវសម្ភារការិយាល័យមួយចំនួន រួមមាន ម៉ាស៊ីនកុំព្យូទ័រ, មាស៊ីនព្រីនធ័រ ជាដើម ដែលជាអំណោយដ៏ថ្លៃថ្លារបស់ ឯកឧត្តមបណ្ឌិតសភាចារ្យ អូន ព័ន្ធមុនីរ័ត្ន ប្រធានក្រុមការងារថ្នាក់ជាតិចុះស្រុកខ្សាច់កណ្តាល និងស្រុកល្វាឯម ដើម្បីឧបត្ថម្ភជូនសាលាឃុំព្រែកតាមាក់ សម្រាប់ប្រើប្រាស់គាំទ្រដល់កិច្ចការរដ្ឋបាលប្រចាំថ្ងៃ។ ការឧបត្ថម្ភនេះ មានគោលបំណងបង្កើនប្រសិទ្ធភាពនៃការផ្តល់សេវាសាធារណៈជូនប្រជាពលរដ្ឋ ក៏ដូចជាស្របតាមអនុសាសន៍ដ៏ខ្ពង់ខ្ពស់របស់ ឯកឧត្តមបណ្ឌិតសភាចារ្យទេសរដ្ឋមន្ត្រី ដែលមានបំណងជំរុញការប្រើប្រាស់បច្ចេកវិទ្យាព័ត៌មាននៅរដ្ឋបាលមូលដ្ឋាន ក្នុងស្រុកខ្សាច់កណ្តាល និងស្រុកល្វាឯម ឱ្យបានកាន់តែល្អប្រសើរ។