នាព្រឹកថ្ងៃទី ២៨ ខែ កុម្ភៈ ឆ្នាំ ២០១៩ នៅវត្តសុវណ្ណវតី, ឯកឧត្តមអគ្គលេខាធិការ នៃអគ្គលេខាធិការដ្ឋានក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមការងារថ្នាក់ជាតិចុះជួយឃុំព្រែកតាមាក់ ព្រមទាំងសហការី បានអញ្ជើញចូលរួមក្នុងពិធីលើកជហ្វាជ័យសាលាពុទ្ធិបឋមសិក្សាសទ្ធារាម (សាលាបាលី) ដែលមានទីតាំងស្ថិតក្នុងបរិវេណវត្តសុវណ្ណវតី នៃឃុំព្រែកតាមាក់ និងដោយមានការអញ្ជើញចូលរួមពីលោកអភិបាល នៃគណៈអភិបាលស្រុកខ្សាច់កណ្ដាល ព្រមទាំងពុទ្ធបរិស័ទចំណុះជើងវត្តផងដែរ។ សាលាពុទ្ធិបឋមសិក្សាសទ្ធារាមនេះ គឺត្រូវបានសាងសង់ឡើងក្រោមការប្រមូលវិភាគទានដែលជាសទ្ធាជ្រះថ្លារបស់ពុទ្ធបរិស័ទ និងសប្បុរសជនទាំងអស់ ដើម្បីជាកន្លែងសម្រាប់បណ្ដុះចំណេះដឹងលើផ្នែកពុទ្ធិចក្រ តាមរយៈការបង្រៀនរាល់ពុទ្ធោវាទទាំងឡាយរបស់ព្រះពុទ្ធសមណគោត្តមនៃយើងដល់សាមណេរដែលមករៀនព្រះធម៌នៅទីនេះ។ ឆ្លៀតក្នុងឱកាសនេះដែរ ឯកឧត្តម និងសហការី ក៏បានឧបត្ថម្ភនូវថវិកាមួយចំនួនដល់ព្រះចៅអធិការវត្ត សម្រាប់ជាវិភាគទានក្នុងការកសាងនេះ ក៏ដូចជាដើម្បីជាការចូលរួមចំណែកលើកស្ទួយព្រះពុទ្ធសាសនាដែលជាសាសនារបស់រដ្ឋផងដែរ។