អគ្គលេខាធិការដ្ឋាន » នាយកដ្ឋានរដ្ឋបាលនិងហិរញ្ញវត្ថុ

រដ្ឋបាល

នាយកដ្ឋានរដ្ឋបាលនិងហិរញ្ញវត្ថុ បំពេញមុខងារជាសេនាធិការឱ្យអគ្គលេខាធិការដ្ឋាន លើការងាររដ្ឋបាលនិងហិរញ្ញវត្ថុ ដោយមានភារកិច្ចដូចតទៅ៖

គ្រប់គ្រងការងាររដ្ឋបាលនិងហិរញ្ញវត្ថុរបស់ក្រសួងសេដ្ឋកិច្ចនិងហិរញ្ញវត្ថុ
រៀបចំ សម្របសម្រួល បូកសរុប និងអនុវត្តផែនការយុទ្ធសាស្រ្តថវិការបស់ក្រសួងសេដ្ឋកិច្ចនិងហិរញ្ញវត្ថុ
ប្រមូលផ្តុំ សម្របសម្រួល បូកសរុប និងលើកគម្រោងថវិកាប្រចាំឆ្នាំរបស់ក្រសួងសេដ្ឋកិច្ចនិងហិរញ្ញវត្ថុ
ទទួលខុសត្រូវលើកិច្ចការប្រតិបត្តិការចំណាយប្រចាំឆ្នាំរបស់ក្រសួងសេដ្ឋកិច្ចនិងហិរញ្ញវត្ថុ
ទទួលខុសត្រូវលើការថែរក្សាបញ្ជីគណនេយ្យរបស់ក្រសួងសេដ្ឋកិច្ចនិងហិរញ្ញវត្ថុ
រៀបចំ គ្រប់គ្រង និងអនុវត្តផែនការលទ្ធកម្មរបស់ក្រសួងសេដ្ឋកិច្ចនិងហិរញ្ញវត្ថុ
សម្របសម្រួល និងគ្រប់គ្រងចំណូលរបស់ក្រសួងសេដ្ឋកិច្ចនិងហិរញ្ញវត្ថុ
គ្រប់គ្រងអចលនទ្រព្យ ចលនទ្រព្យ សន្និធិសម្ភារៈ និងបញ្ជីសារពើភ័ណ្ឌទ្រព្យសម្បត្តិរបស់ក្រសួងសេដ្ឋកិច្ចនិងហិរញ្ញវត្ថុគ្រប់កម្រិត
បែងចែកសម្ភារៈបរិក្ខារ និងប្រេងឥន្ធនៈ ជូនបណ្តាអង្គភាពនានា ក្រោមឱវាទក្រសួងសេដ្ឋកិច្ចនិងហិរញ្ញវត្ថុ
រៀបចំនិងបើកប្រាក់បៀវត្ស និងប្រាក់សង្គមកិច្ច ជូនមន្រ្តីរាជការនៃក្រសួងសេដ្ឋកិច្ចនិងហិរញ្ញវត្ថុ
រៀបចំគម្រោងនិងកម្មវិធីសាងសង់ ជួសជុល ថែទាំសំណង់ អគារ និងសម្ភារៈបរិក្ខារគ្រប់ប្រភេទរបស់ក្រសួងសេដ្ឋកិច្ចនិងហិរញ្ញវត្ថុ
រៀបចំចុះកិច្ចបញ្ជិកាជាប្រចាំ នូវសលាកប័ត្រហិរញ្ញវត្ថុ និងគណនេយ្យរូបធាតុ
ធ្វើរបាយការណ៍ហិរញ្ញវត្ថុ តាមរបបប្រចាំឆ្នាំរបស់ក្រសួងសេដ្ឋកិច្ចនិងហិរញ្ញវត្ថុ
បំពេញភារកិច្ចផ្សេងទៀត តាមការកំណត់របស់អគ្គលេខាធិការដ្ឋាន។

១. ការិយាល័យរដ្ឋបាល មានភារកិច្ចដូចតទៅ៖

សម្របសម្រួលសកម្មភាពរដ្ឋបាលគ្រប់ថ្នាក់ គ្រប់ផ្នែករបស់ក្រសួងសេដ្ឋកិច្ចនិងហិរញ្ញវត្ថុ ទាំងនៅថ្នាក់កណ្តាល ទាំងរវាងថ្នាក់កណ្តាលនិងថ្នាក់មូលដ្ឋានក្រោមឱវាទក្រសួងសេដ្ឋកិច្ចនិងហិរញ្ញវត្ថុ
គ្រប់គ្រងនិងចរាចរជាប្រចាំថ្ងៃ នូវលិខិតចេញ លិខិតចូល និងឯកសារផ្សេងៗ របស់ក្រសួងសេដ្ឋកិច្ចនិងហិរញ្ញវត្ថុ
រក្សាសណ្តាប់ធ្នាប់ សុវត្ថិភាព សន្តិសុខ អនាម័យ ក្នុងបរិវេណ និងជុំវិញក្រសួងសេដ្ឋកិច្ចនិងហិរញ្ញវត្ថុ
កសាងផែនការបណ្តុះបណ្តាលធនធានមនុស្ស និងគ្រប់គ្រងស្ថិតិក្របខ័ណ្ឌមន្រ្តីរាជការ នៃនាយកដ្ឋានរដ្ឋបាល និងហិរញ្ញវត្ថុ
រៀបចំសំណើសុំដំឡើងកាំប្រាក់ និងការលើកទឹកចិត្តនានាជូនមន្រ្តីរាជការ នៃនាយកដ្ឋានរដ្ឋបាលនិងហិរញ្ញវត្ថុ
រៀបចំគម្រោង ថែរក្សា និងលើកសំណើជួសជុលអគារ សួនច្បារ បន្ទប់ទឹក ប្រព័ន្ធទឹកស្អាត អគ្គិសនីនិងប្រព័ន្ធលូបង្ហូរទឹកកខ្វក់ ទាំងក្នុង និងក្រៅបរិវេណទីស្តីការក្រសួងសេដ្ឋកិច្ចនិងហិរញ្ញវត្ថុ
ថតចម្លងច្បាប់និងលិខិតបទដ្ឋានផ្សេងៗ ដើម្បីផ្សព្វផ្សាយជូនថ្នាក់ដឹកនាំ អគ្គនាយកដ្ឋាន នាយកដ្ឋាន ឬអង្គភាពពាក់ព័ន្ធ តាមការណែនាំរបស់ថ្នាក់ដឹកនាំនាយកដ្ឋាន
រៀបចំតុបតែង លម្អទីស្តីការក្រសួង នៅរៀងរាល់ពិធីបុណ្យជាតិ អន្តរជាតិនានា តាមការណែនាំរបស់គណៈ-កម្មាធិការជាតិរៀបចំបុណ្យជាតិ-អន្តរជាតិ និងថ្នាក់ដឹកនាំក្រសួងសេដ្ឋកិច្ចនិងហិរញ្ញវត្ថុ
រៀបចំលិខិតថ្វាយព្រះពរនិងជូនពរ ព្រះមហាក្សត្រ និងថ្នាក់ដឹកនាំជាតិ
រៀបចំសម្ភារៈ អំណោយ ជូនថ្នាក់ដឹកនាំក្រសួងសេដ្ឋកិច្ចនិងហិរញ្ញវត្ថុ ចុះសួរសុខទុក្ខកុមារកំព្រា យុទ្ធជនពិការ ដែលសម្រាកព្យាបាលតាមមជ្ឈមណ្ឌល និងមន្ទីរពេទ្យនានា តាមការណែនាំរបស់គណៈកម្មាធិការជាតិរៀបចំបុណ្យជាតិ-អន្តរជាតិ និងថ្នាក់ដឹកនាំក្រសួងសេដ្ឋកិច្ចនិងហិរញ្ញវត្ថុ
គ្រប់គ្រង ប្រព័ន្ធទិន្នន័យឯកសារចូល-ចេញ
ធ្វើកំណត់ហេតុ និងរបាយការណ៍ការងារ របស់នាយកដ្ឋាន
បំពេញភារកិច្ចផ្សេងទៀតតាមការកំណត់របស់ប្រធាននាយកដ្ឋាន។

២. ការិយាល័យគណនេយ្យ មានភារកិច្ចដូចតទៅ៖

ប្រមូលផ្តុំរាល់តម្រូវការប្រើប្រាស់ សម្ភារៈ បរិក្ខារ និងប្រេងឥន្ធនៈ ព្រមទាំងលើកសំណើសុំគោលការណ៍ និងសម្របសម្រួលប្រតិបត្តិការ សម្រាប់ផ្គត់ផ្គង់ជូនបណ្តាអង្គភាពក្រោមឱវាទក្រសួងសេដ្ឋកិច្ចនិងហិរញ្ញវត្ថុ
រៀបចំនិងបើកប្រាក់បៀវត្ស និងប្រាក់សង្គមកិច្ចផ្សេងៗ ជូនមន្រ្តីរាជការក្រសួងសេដ្ឋកិច្ចនិងហិរញ្ញវត្ថុ
ប្រមូលផ្តុំចំណូល ពីបណ្តាស្ថាប័នផ្សេងៗ ដែលបានបង់រួច នៅអគ្គនាយកដ្ឋានរតនាគារជាតិ ដើម្បីបង្កើត សលាកប័ត្រចំណូលសរុបដែលត្រូវបានបង់ចូលថវិការដ្ឋប្រចាំខែ
គ្រប់គ្រងនិងតាមដាន ការអនុវត្តចំណាយ គណនីថវិកាបុរេប្រទាន រជ្ជទេយ្យបុរេប្រទាន និងសម្របសម្រួលរជ្ជទេយ្យចំណូល
ត្រួតពិនិត្យការចុះបញ្ជិការគណនេយ្យ និងផ្គូផ្គងការអនុវត្តចំណាយថវិកាក្នុងឆ្នាំ
គ្រប់គ្រង ថែរក្សា និងតម្កល់ទុក នូវរាល់ឯកសារគណនេយ្យរបស់ក្រសួងសេដ្ឋកិច្ចនិងហិរញ្ញវត្ថុ
រៀបចំនិងទូទាត់តាមអាណត្តិបើកប្រាក់ នូវរាល់ការចំណាយរបស់ក្រសួងសេដ្ឋកិច្ចនិងហិរញ្ញវត្ថុ
រៀបចំបង្វិលសងវិញ តាមរយៈអាណត្តិបើកប្រាក់
រៀបចំរបាយការណ៍ចំណូល-ចំណាយ ប្រចាំខែ ត្រីមាស ឆមាស និងប្រចាំឆ្នាំ
បំពេញភារកិច្ចផ្សេងទៀតតាមការកំណត់របស់ប្រធាននាយកដ្ឋាន។

៣. ការិយាល័យសម្ភារៈនិងទ្រព្យសម្បត្តិរដ្ឋ មានភារកិច្ចដូចតទៅ៖

រៀបចំ កត់ត្រា ចងក្រង និងគ្រប់គ្រងបញ្ជីសារពើភ័ណ្ឌទ្រព្យសម្បត្តិ របស់ក្រសួងសេដ្ឋកិច្ចនិងហិរញ្ញវត្ថុ និងអង្គភាពក្រោមឱវាទ ទាំងថ្នាក់កណ្តាល និងថ្នាក់មូលដ្ឋាន
ប្រមូលផ្តុំតម្រូវការនៃការប្រើប្រាស់ គ្រប់គ្រង និងបែងចែកសម្ភារៈ បរិក្ខារ និងប្រេងឥន្ធនៈ សម្រាប់បម្រើសេចក្តីត្រូវការរបស់ក្រសួងសេដ្ឋកិច្ចនិងហិរញ្ញវត្ថុ និងបណ្តាអង្គភាពក្រោមឱវាទ
គ្រប់គ្រងនិងថែរក្សាយានយន្តរបស់ក្រសួងសេដ្ឋកិច្ចនិងហិរញ្ញវត្ថុ
ពិនិត្យនិងផ្តល់យោបល់លើសំណើសុំជួសជុលយានយន្ត និងសម្ភារៈបរិក្ខារ
ពិនិត្យនិងផ្តល់យោបល់លើសំណើសុំលក់ ជួល ផ្ទេរ និងដោះដូរ ទីតាំង ដីធ្លី អគារ និងអចលនទ្រព្យ ដែលជាទ្រព្យសម្បត្តិរបស់ក្រសួងសេដ្ឋកិច្ចនិងហិរញ្ញវត្ថុ ទាំងនៅថ្នាក់កណ្តាល និងថ្នាក់មូលដ្ឋាន
ផ្សព្វផ្សាយ ណែនាំនីតិវិធី តាមដាន និងធ្វើការផ្គូផ្គងបញ្ជីសារពើភ័ណ្ឌទ្រព្យសម្បត្តិរដ្ឋជាមួយអង្គភាពក្រោមឱវាទក្រសួងសេដ្ឋកិច្ចនិងហិរញ្ញវត្ថុ
រៀបចំកិច្ចសន្យា លើការគ្រប់គ្រង និងចាត់ចែងទ្រព្យសម្បត្តិរបស់ក្រសួងសេដ្ឋកិច្ចនិងហិរញ្ញវត្ថុ
ត្រួតពិនិត្យ ផ្ទៀងផ្ទាត់ប្រចាំឆ្នាំ នូវបញ្ជីសារពើភ័ណ្ឌទ្រព្យសម្បត្តិរបស់ក្រសួងសេដ្ឋកិច្ចនិងហិរញ្ញវត្ថុ ទាំងថ្នាក់កណ្តាល និងថ្នាក់មូលដ្ឋាន
ជំរុញការធ្វើប័ណ្ណកម្មសិទ្ធិទ្រព្យសម្បត្តិរដ្ឋ ដែលគ្រប់គ្រងនិងកាន់កាប់ ដោយក្រសួងសេដ្ឋកិច្ចនិងហិរញ្ញវត្ថុទាំងនៅថ្នាក់កណ្តាល និងថ្នាក់មូលដ្ឋាន
លើកសំណើសុំគោលការណ៍ជម្រះចេញពីបញ្ជីសារពើភ័ណ្ឌ នូវទ្រព្យសម្បត្តិរដ្ឋដែលមិនប្រើប្រាស់ ឬប្រើប្រាស់លែងកើត
ចូលរួមដោះស្រាយរាល់វិវាទកម្មផ្សេងៗ ដែលពាក់ព័ន្ធនឹងទ្រព្យសម្បត្តិ របស់ក្រសួងសេដ្ឋកិច្ចនិងហិរញ្ញវត្ថុទាំងនៅថ្នាក់កណ្តាល និងថ្នាក់មូលដ្ឋាន ដើម្បីទប់ស្កាត់រាល់បាតុភាពរំលោភបំពានយកទ្រព្យសម្បត្តិរដ្ឋ
គ្រប់គ្រងនិងតាមដានការប្រើប្រាស់និងចាត់ចែងទ្រព្យសម្បត្តិរបស់ក្រសួងសេដ្ឋកិច្ចនិងហិរញ្ញវត្ថុ
សរុបរបាយការណ៍គ្រប់គ្រងទ្រព្យសម្បត្តិរដ្ឋប្រចាំខែ ត្រីមាស ឆមាស និងឆ្នាំ ជូនប្រធាននាយកដ្ឋានរដ្ឋបាលនិងហិរញ្ញវត្ថុ
គ្រប់គ្រងប្រព័ន្ធទិន្នន័យ និងចុះបញ្ជីសារពើភ័ណ្ឌទ្រព្យសម្បត្តិរដ្ឋ របស់អង្គភាពក្រោមឱវាទក្រសួងសេដ្ឋកិច្ចនិងហិរញ្ញវត្ថុ ទាំងនៅថ្នាក់កណ្តាល និងថ្នាក់មូលដ្ឋាន
បំពេញភារកិច្ចផ្សេងទៀតតាមការកំណត់របស់ប្រធាននាយកដ្ឋាន។

៤. ការិយាល័យពិធីការ មានភារកិច្ចដូចតទៅ៖

ចាត់ចែងការងារពិធីការ និងសហការរៀបចំទិវាបុណ្យជាតិ និងអន្តរជាតិនានា និងពិធីផ្សេងៗ របស់ក្រសួងសេដ្ឋកិច្ចនិងហិរញ្ញវត្ថុ
ទទួលភ្ញៀវជាតិ និងអន្តរជាតិ និងទទួលរៀបចំពិធីជប់លៀងសម្រាប់កម្មវិធីទាំងឡាយ របស់ក្រសួងសេដ្ឋកិច្ច និងហិរញ្ញវត្ថុ
រៀបចំពិធីការ នៅរៀងរាល់ការចុះហត្ថលេខាលើពិធីសារនានារបស់ក្រសួងសេដ្ឋកិច្ចនិងហិរញ្ញវត្ថុ
រៀបចំកន្លែងប្រជុំនិងសិក្ខាសាលារបស់ក្រសួងសេដ្ឋកិច្ចនិងហិរញ្ញវត្ថុ
ថែរក្សានិងតុបតែងសាលប្រជុំ និងបន្ទប់ថ្នាក់ដឹកនាំក្រសួងសេដ្ឋកិច្ចនិងហិរញ្ញវត្ថុ
បំពេញភារកិច្ចផ្សេងទៀតតាមការកំណត់របស់ប្រធាននាយកដ្ឋាន

៥.ការិយាល័យផែនការថវិកា មានភារកិច្ចដូចតទៅ៖

ជាលេខាធិការដ្ឋានរបស់ប្រធាននាយកដ្ឋាន
ផ្សព្វផ្សាយសារាចរណែនាំស្តីពីការរៀបចំផែនការយុទ្ធសាស្រ្តថវិកា កញ្ចប់ថវិកាប្រចាំឆ្នាំ និងរបាយការណ៍ ថវិកាសម្រេចទូទាត់ របស់ក្រសួងសេដ្ឋកិច្ចនិងហិរញ្ញវត្ថុ និងមន្ទីរសេដ្ឋកិច្ចនិងហិរញ្ញវត្ថុរាជធានី ខេត្ត
រៀបចំ និងបូកសរុបផែនការយុទ្ធសាស្រ្តថវិកា របស់ក្រសួងសេដ្ឋកិច្ចនិងហិរញ្ញវត្ថុ និងមន្ទីរសេដ្ឋកិច្ចនិង ហិរញ្ញវត្ថុរាជធានី ខេត្ត
រៀបចំគម្រោងផែនការ និងបូកសរុបថវិកាចំណូល-ចំណាយប្រចាំឆ្នាំ របស់ក្រសួងសេដ្ឋកិច្ចនិងហិរញ្ញវត្ថុ និងមន្ទីរសេដ្ឋកិច្ចនិងហិរញ្ញវត្ថុរាជធានី ខេត្ត
រៀបចំ និងវិភាជន៍ចំណាយថវិកាប្រចាំឆ្នាំរបស់ក្រសួងសេដ្ឋកិច្ចនិងហិរញ្ញវត្ថុ និងមន្ទីរសេដ្ឋកិច្ចនិងហិរញ្ញវត្ថុ រាជធានី ខេត្ត
រៀបចំផែនការចំណូល-ចំណាយប្រចាំខែ ត្រីមាស ឆមាស និងប្រចាំឆ្នាំ របស់ក្រសួងសេដ្ឋកិច្ចនិងហិរញ្ញវត្ថុនិងមន្ទីរសេដ្ឋកិច្ចនិងហិរញ្ញវត្ថុរាជធានី ខេត្ត
រៀបចំ និងត្រួតពិនិត្យមើលលើការអនុវត្តថវិកាពាក់កណ្តាលឆ្នាំ របស់ក្រសួងសេដ្ឋកិច្ចនិងហិរញ្ញវត្ថុ និងមន្ទីរ សេដ្ឋកិច្ចនិងហិរញ្ញវត្ថុរាជធានី ខេត្ត
រៀបចំ និងគ្រប់គ្រងនិយ័តកម្មថវិកា របស់ក្រសួងសេដ្ឋកិច្ចនិងហិរញ្ញវត្ថុ និងមន្ទីរសេដ្ឋកិច្ចនិងហិរញ្ញវត្ថុ រាជធានី ខេត្ត ដើម្បីធានាការអនុវត្តចំណាយក្នុងឆ្នាំ
រៀបចំ និងពិនិត្យមើលតម្រូវការឥណទានថវិកាលើស ឬខ្វះ របស់ក្រសួងសេដ្ឋកិច្ចនិងហិរញ្ញវត្ថុ និងមន្ទីរ សេដ្ឋកិច្ចនិងហិរញ្ញវត្ថុរាជធានី ខេត្ត ដើម្បីរៀបចំសំណើសុំបន្ថែមឥណទានថវិកា
រៀបចំ និងបូកសរុបរបាយការណ៍សមិទ្ធិកម្ម/លទ្ធផល របស់ក្រសួងសេដ្ឋកិច្ចនិងហិរញ្ញវត្ថុ និងមន្ទីរសេដ្ឋកិច្ច និងហិរញ្ញវត្ថុរាជធានី ខេត្ត
រៀបចំ និងបូកសរុបរបាយការណ៍សម្រេចទូទាត់ថវិកាប្រចាំឆ្នាំ របស់ក្រសួងសេដ្ឋកិច្ចនិងហិរញ្ញវត្ថុ និងមន្ទីរ សេដ្ឋកិច្ច និងហិរញ្ញវត្ថុរាជធានី ខេត្ត
បំពេញភារកិច្ចផ្សេងទៀតតាមការកំណត់របស់ប្រធាននាយកដ្ឋាន។

នាយកដ្ឋានរដ្ឋបាលនិងហិរញ្ញវត្ថុ

រចនាសម្ព័ន្ធរដ្ឋបាល

ព័ត៌មានថ្មីៗ