នាថ្ងៃទី ២២ ខែ សីហា ឆ្នាំ ២០១៩ នៅទីស្តីការក្រសួងសេដ្ឋកិច្ច និង ហិរញ្ញវត្ថុ មានកិច្ចប្រជុំពិភាក្សាលើសំណើសុំចុះអនុស្សារណៈយោគយល់ស្តីពីកិច្ចសហការផ្គត់ផ្គង់និងប្រើប្រាស់សេវាទូរគមនាគមន៍ របស់ទូរគមនាគមន៍កម្ពុជា ក្រោមការដឹកនាំសម្របសម្រួលដោយឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងមានការចូលរួមដោយ ថ្នាក់ដឹកនាំ និង មន្ត្រីបច្ចេកទេសមកពីអគ្គនាយកដ្ឋានពាក់ព័ន្ធក្រោមឱវាទក្រសួង។ កិច្ចប្រជុំនេះមានគោលបំណងចម្បងដើម្បីពិនិត្យពិភាក្សាលើទិដ្ឋភាពនៃការផ្តល់សេវារបស់ ទូរគមនាគមន៍កម្ពុជា និង ស្វែងរកលទ្ធភាពមូលដ្ឋានក្នុងការចុះអនុស្សារណៈ ។